Пайдаланушы келісімі

1. Біз кімбіз

• kemel bilim — ағылшын тілін қазақша үйрететін онлайн мектеп.
• Платформаны мектеп әкімшілігі ұстайды.
• Реквизиттер соңында, «Байланыс» бөлімінде.

2. Аккаунт

• Тіркелу үшін атың мен WhatsApp нөмірің керек.
• Нөмірің — логиның. Оны кабинеттен ауыстыра алмайсың, кураторға жаз.
• Құпиясөзіңді ешкімге берме. Аккаунтта не болғанына өзің жауап бересің.
• Бір оқушыға — бір аккаунт. Аккаунтты біреуге беруге, сатуға болмайды.

3. Оқу материалдары

• Видео, мәтін, ойын, жаттығу — бәрі мектептің меншігі.
• Оларды жүктеп алып таратуға, сатуға, қайта жариялауға болмайды.
• Материалдар тек өзің оқуың үшін.
• Ережені бұзсаң, аккаунтты жабамыз.

4. Тегін және ақылы курстар

• Тегін курс тіркелген бойда ашылады.
• Ақылы курсты куратор ашады. Бағасы мен мерзімін алдын ала айтамыз.
• Мерзім бітсе, өткен сабақтарың ашық қалады, жаңасы жабылады.
• Курс басталмай тұрып бас тартсаң, төлемді толық қайтарамыз.
• Оқу басталған соң бас тартсаң, пайдаланылмаған кезеңге ақша қайтарамыз.

5. Деректерің

• Сақтайтынымыз: атың, тегің, WhatsApp нөмірің, оқу барысың, жіберген жауаптарың.
• Не үшін: оқуыңды жүргізу, сұрағыңа жауап беру, платформаны жақсарту.
• Деректеріңді ешкімге сатпаймыз. Заң талап еткенде ғана береміз.
• Оқуға қатысты хабарламаларды нөміріңе жіберуіміз мүмкін.
• Аккаунтты өшір десең, кураторға жаз — 30 күн ішінде өшіреміз.

6. Не істеуге болмайды

• Басқаның аккаунтына кіру.
• Платформаны бұзуға тырысу, деректерді автоматты жинау.
• Материалдарды тарату немесе сату.
• Басқа оқушыға дөрекі жазу.

7. Не кепілдік бермейміз

• Платформа үзіліссіз жұмыс істейді деп уәде етпейміз.
• Техникалық жұмыс кезінде кабинет уақытша жабылуы мүмкін.
• Нәтиже сенің еңбегіңе де байланысты — нақты деңгей кепілдігін бермейміз.

8. Ережелер өзгерсе

• Ережені өзгертуіміз мүмкін. Жаңа редакция осы бетте тұрады.
• Маңызды өзгеріс болса, кабинетте хабарлаймыз.
• Келіспесең, оқуды тоқтатып, аккаунтты өшіртуге болады.

9. Байланыс

Сұрағың болса, кабинеттегі «Көмек керек пе?» бөліміне жаз — куратор көреді.

Ұйымның реквизиттері рәсімделіп жатыр. Дайын болған соң осында қоямыз.